Komshi me Damian Gjiknurin? Llalla: Nuk di që ai të jetë hetuar…

Ish-prokurori Adriatik Llalla, i dënuar me dy vjet burg, ka thyer sot heshtjen pas një kohe të gjatë.

Ai thotë se vendimi për të është marrë jashtë sallës së gjyqit, ndërkohë që drejtësia sipas tij duhet të hetojë emra të tjerë.

I pyetur për çështjen e pronave ai tha se:

Peka: A ka emra të tjerë të njohur ngjitur me pronën tuaj që mund ta kenë blerë më lirë?

Llalla: Në dijeninë time, ka shumë emra të njohur, personazhe publike, zyrtarë, të dhënat e të cilëve mund të gjenden lehtësisht brenda deklarimit të pasurive, ku çdo kush mund ti gjejë. Ashtu siç ka pasur mundësinë prokuroria që krahas rastit tim, ku janë mbledhur të dhënat për të gjithë tokat kufitare, ku çmimi është më i ulët, ku kanë dalë edhe emrat e zyrtarëve apo ish-zyrtarëve, në asnjë rast tjetër nuk është filluar hetimi, përfshirë ministra dhe ish-ministra.

Peka: Është komshi me ju Damian Gjiknuri?

Llalla: Nuk mund të them me saktësi, se cili është komshi apo jo.

Peka: Kur është bërë hetimi, rezulton se Gjiknuri është komshi me ju dhe e ka blerë me rreth 3 mijë lekë, pra me gjysmën e çmimit tuaj. A keni dijeni se ka nisur hetimit për Gjiknurin?

Llalla: Nuk di të ketë nisur hetim si për Gjiknurin, apo rast tjetër të kësaj natyre.

Peka: Gjergj Bojaxhi?

Llalla: Unë jam rast i vetëm që ka nisur hetimi, prandaj këmbëngul se hetimi ndaj meje ka qenë i paravendosur dhe vendimi nga gjykata atë ditë ka qenë i paravendosur.