‘Karremi’ ishte Landi, del në SKENË grupi prej tre anëtarësh/ Nën ‘lupën’ e policisë për vra sjen e shqiptarit në Athinë, plani i parë u dështoi, por mbrëmë nuk gabuan

Mediat greke kanë zbardhur detaje të reja nga grupi që dyshohet të ketë marrë pjesë në ekzekutimin e shqiptarit, Aristides Pappas, ngjarje e ndodhur një natë më parë në Greqi.

Autoritetet greke kanë identifikuar personat që i zunë pritë në shkurt të këtij viti, por që nuk arritën ta vrisnin dot. Një 38-vjeçar i njohur si “Mili”, një 32-vjeçar i njohur si “Doriani” dhe një 30-vjeçar i njohur si Landi, kishin thurur planin për të vrarë shqiptarin.

Rolin e karremit e luajti ‘Landi’, i cili e nxorri në takim shqiptarin dhe në të njëjtën kohë u shfaqën dy personat e tjerë që e qëlluan shqiptarin. ‘Shënjestra’ shpëtoi por grupi prej tre personash dyshohet se fshihet dhe pas vrasjes së tij që u realizua mbrëmë, pas disa tentativave.

“Hetimi policor ka zbuluar se pas atentatit, fshihen tre persona, të cilët janë në kërkim më 26 shkurt 2021, që ishin autorët e një prej tentativave për vrasje, ku në shënjestër ishte 34-vjeçari “Aris”. Ata kishin caktuar një takim “ekzekutimi” me viktimën e mundshme përmes bashkëpunëtorit të tyre, një 30-vjeçar me pseudonimin “Landi”. Ata ishin në një taksi kur qëlluan dhe plagosën objektivin e tyre në këmbë, ndërsa më pas, para policisë në stacionin Larisa, ata ikën duke lënë pistoletën në një taksi,”– shkruhet në artikullin e medias greke.

Aris Papas i cilësuar nga mediat greke si një nga anëtarët më të njohur të mafia-s shqiptare u ekzekutua pasditen e djeshme në një lokal duke pirë kafe në qendër të Athinës. E shkuara e tij është pista që grupi hetimor ka mbi tavolinë për hetimin e këtij krimi, ndërsa nëna e viktimës ka bërë fajtorë shqiptarët për vrasjen e të birit, por pa thënë emra./dosja