Miroslav Lajçak dhe Matthew Palmer i shkojnë në zyrë Vjosa Osmanit,  në qendër të bisedës është “përgatitja e terrenit” për…

I dërguari i SHBA-së për Ballkanin, Matthew Palmer si dhe Përfaqësuesi Special i Bashkimit Evropian për dialogun Kosovë-Serbi, Miroslav Lajçak janë pritur ditën e sotme në presidencë nga Vjosa Osmani.

Në takimin mes tyre, dy diplomatët e huaj pritet të bisedojnë me presidenten Vjosa Osmani çështjen e shumëpërfolur të dialogut me Serbinë.

Pas takimit me Vjosa Osmanin, diplomati i SHBA-së dhe BE-së do të takohet po ashtu edhe me kryeminstrin e Kosovës, Albin Kurti.

Dy zyrtarët e huaj do të qëndrojnë në Kosovë për një vizitë tre ditore.

Arsyeja e vizitës së dyshes së njohur Mattew Palmer dhe Miroslav Lajçak, lidhet me përgatitjen për rifillimin e dialogut Kosovë-Serbi, konkretisht përgatitja e takimit mes Kurtit dhe presidentit të Serbisë, Aleksandar Vuçiç  brenda muajit qershor.