Refuzuan të merrnin vaksinën/ Merret vendimi për 30 punonjës të shëndetësisë, pezullohen nga detyra

Pezullohen nga detyra 30 punonjës të shëndetit publik në Ragusa të Italisë.

Kjo ndodhi pasi ata refuzuan të marrin vaksinën kundër koronavirusit.

Vendimi ka efekt të menjëhershëm dhe është i vlefshëm deri më datë 31 dhjetor.

Gjithashtu për personat në fjalë parashikohet pezullimi i pagës dhe çdo shpërblim tjetër.

Në njoftim thuhet se institucioni i shëndetit publik në Ragusa reagoi në bazë të legjislacionit të ri që u dekretua në prill që parashikon detyrimin për t’u vaksinuar për mjekët, infermierët dhe operatorët e shëndetësisë.