Qëllohet me pl umb në kokë një person në Athinë, dyshohet se është shqiptar

Një ngjarje e rëndë ka ndodhur në Sepolia të Athinës. Referuar mediave greke, një person i cili dyshohet se është shqiptar është qëlluar më plumb në kokë.

Të shtënat ndodhën në “Rrugën 30 Durrachiou”, në një kafene. Policia mori një telefonatë në orën 17:55 lidhur me incidentin.

Po sipas mediave greke, bëhet me dije se i plagosuri është në gjendje kritike për jetën.

Sipas dëshmitarëve, pas sulmit të armatosur, thuhet se autori, kishte hipur në një taksi dhe ishte zhdukur.

Policia është vënë në ndjekje të tij.