Shifrat nga pandemia/ Një humbje jete, por ja sa raste të reja. Njihuni me hartën e infektimeve

Ditën e sotme u konfirmuan 12 raste të reja dhe një humbje jete nga pandemia.

Ministria e Shëndetësisë dha të dhënat pas 3.255 testimeve të kryera në rradhët e qytetarëve.

Viktima është 1 qytetare nga Saranda, 89 vjeç.

Ndërkohë rastet pozitive të konfirmuara janë identifikuar në këto bashki: 3 raste në Shkodër, 2 raste në Tiranë, Korçë, 1 rast në Fier, Devoll, Prrenjas, Kolonjë, Sarandë.

Në 24 orët e fundit janë shëruar 118 qytetarë, duke e çuar numrin e të shëruarve në 129 215 që nga shfaqja e pandemisë.

Të shtruar në spitalet Covid janë 41 pacientë, nga të cilët 6 pacientë në terapi intensive. Ndërsa raste aktive me Covid janë 633.

Që prej shfaqjes së pandemisë në vend, janë prekur 132 297 persona, prej të cilëve 2 449 kanë humbur jetën.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. “Telefononi në numri 127 të Urgjencës Kombëtare për çdo emergjencë apo referim në spital”, apelon MSH.

Shpërndarja gjeografike e rasteve aktive, sipas qarqeve:

• Tiranë – 291
• Korçë – 83
• Shkodër – 73
• Vlorë – 33
• Elbasan – 32
• Berat – 36
• Lezhë – 27
• Gjirokastër – 19
• Fier – 11
• Kukës – 10
• Durrës – 14
• Dibër – 4