Çfarë shënoi Rama në “Librin e artë të albanologjisë” të Akademisë së Shkencave?

Akademia e Shkencave të Shqipërisë është futur në një kurs reformimi, ndërsa së fundmi strukturës u janë shtuar 30 anëtarë të rinj, mes tyre 17 janë profesionistë që punojnë në Europë dhe në Botë.

I pranishëm në ceremoninë e pranimit të anëtarëve të rinj ishte edhe kryeministri Edi Rama.

Para se të hynte në sallën “Aleks Buda” ku mbahej mbledhja, Rama ndaloi në “Librin e artë të albanologjisë” dhe në vend të një shënimi vizatoi simbolin kombëtar shqiponjën me nënshkrimin: “Nder i madh për mua. Faleminderit”.

Fotot janë shpërndarë gjërësisht në rrjet, ku nuk kanë munguar as komentet e ndryshme.

Ndërkohë, gjatë fjalës së tij para akademikëve, Rama tha se reforma ne ASH po jep frytet e duhura.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Nuk kam asnjë aluzion se ligji i miratuar është më i përsosuri i mundshëm, por i ka kthyer vendin kërkuesve të vërtetë dhe besoj se i ka dekurajuar sharlatanët e shkencës që në një pikë të caktuar arritën deri dhe të flasin në emër të ASH. Në fund të fundit ky ishte dhe qëllimi kryesor. Sot kjo akademi bazohet në disa parime”, deklaroi ai./shqip