Agjëroi për një muaj me shpresën që Zoti do i sillte një Lamborghini, burri gati sa nuk vdiq

Një burrë i cili mendoi se Zoti do i dhuronte një Lamborghini nëse do të agjëronte për 40 ditë dhe 40 netë, gati sa nuk vdiq në përpjekje për t’i dhënë të dashurës makinën e saj të ëndrrave.

Mediat e huaja shkruajnë se Mark Muradzira, një udhëheqës i Rinisë së Kishës së Shenjtorëve të Ringjallur në Bindura, në Zimbabvenë qendrore, u fsheh në një vend të largët malor për ta parandaluar vetën që të mos tundohej për të ngrënë ushqim.

Fatmirësisht, miqtë e tij të cilët ishin të shqetësuar për të, e gjetën pas vetëm 33 ditësh dhe e dërguan 27-vjeçarin në spital ku thuhet se ai po shërohet dita ditës.

Muradzira, i cili është i papunë, ishte tepër i dëshpëruar për t’ia dhuruar të dashurës makinën që ajo e dëshironte. I ndodhur përballë vështirësive për të gjetur para, vendosi që një agjërim 40 ditësh mund ta inkurajonte Perëndinë për ta ndihmuar atë.

Mbetet ende e paqartë se për sa kohë Muradzira mbeti pa ujë dhe pa bukë.

Një person mund të mbijetojë pa ushqim deri në tre javë.