LIGJET E BIZNESIT
Ish-kryeministri Sali Berisha në PolitikOn, tha se “non grata” është një histori e vitit 2019, kur ia ka përmendur edhe Rama në Kuvend.
Ai tha më tej se me dosjen e tij “thuhet” se është marrë ish-ambasadori amerikan Donald Lu.
“Zonja Kim, ambasada e SHBA-ve, kur ajo erdhi, unë i kam shkuar vetë në pritje. Unë jam deputet i thjeshtë e nuk pres të më vijnë në zyrë. Pasi i ktheu komisioni i Venencias draftet e grupit të Sorosit për reformën në drejtësi, u arrit që amendimet të ishin në standardin e Venecias. Kjo non grata është një histori e vitit 2019 dhe ma ka përmendur Edi Rama në këtë vit, duke më thënë se a e kaloj dot Atlantikun. D.m.th ai e dinte një gjë të tillë. Mua më thonë se jam futur në listë të zezë, për konspiracion ndaj politikës së jashtme të SHBA-ve. Kam marrë vendime pro-SHBA, por nuk jam “Yes man”, jam vetja ime. Unë kurrë nuk e kam thënë kurrë një fjalë pas shpine për çështjen e ndarjes së Kosovës, sikurse ka bërë Blinken. Atëherë ku është konspiracioni këtu? Thonë se është marrë intensivisht me dosjen time të konspiracionit Donald Lu. Unë kam vepruar me ndërgjegjen time kombëtare, sepse ishte e turpshme të vizatoheshin kufij etnikë dhe të punoje për Serbinë e Madhe se kështu donte Rama dhe Thaçi,”-tha Berisha.
PJESË NGA INTERVISTA:
Berisha: Mirëkuptoj heshtjen e njerëzve. Falenderoj ata që nuk janë prononcuar. Sikundër garantoj të tjetër se nuk kam asnjë qejfmbetje. Pse? Nuk e kam sepse nuk do të gjesh kurrë një bashkëpunëtor që do të thotë që më imponoi të shkelë ligjin.
A duhet të jepte dorëheqjen Basha?
Berisha: Kjo është çështja e individit, por kjo pyetje nuk mund t’i bëhet dikujt që e ka dhënë dorëheqjen. Për mua shekullin e shqiptarëve e përmbys droga, krimi dhe pazaret me territoret. Kur e shndërron vendin në delen e zezë duke e quajtur Shqipërinë narko-shtet dhe qendër të krimit Evropian, aq sa kërkojnë heqjen e vizave. Koha ecën pas dhe para.
Duket sikur nuk jemi më në shekull Shqiptar, ju non grata, Thaçi në Hagë?
berisha
Berisha: Nuk e përmbysin këto, por droga dhe krimi. Shitja e territorit. Këto janë sepse kur e kthen vendin në delen e zezë, kur bën që Shqipëria të kthehehet në narkoshtet.
Kush iu pëlqen nga kandidatët e Bashës?
Berisha: Nuk ndërhyj. Bëni gjithçka për dinjitetin e kësaj gare. Ta dalim faqebardhë. Nuk ndërhyj për asnjë kandidat.
Keni diçka për të thënë?
Berisha: Ky është vetëm fillimi. Beteja vazhdon. E shumëfishuar. I kam pasur vënë vetes korniza. Do kthehem, fatmirësisht me një shëndet të plotë. Se është kryesorja.
