LIGJET E BIZNESIT
Më datë 2 qershor është planifikuar të mbahet Asambleja Kombëtare e Partisë Socialiste.
Burime bëjnë me dije se takimit do të mblidhet te Amfiteatri, në orën 18:00.
Gjatë një mbledhje të mbajtur dy javë më parë, me deputetët e zgjedhur të Partisë Socialiste dhe ata aktualë, kreu socialist Edi Rama paralajmëroi se gjatë Asamblesë do të analizohet puna e gjithësecilit dhe ata të cilët nuk kanë arritur objektivat elektoralë do të duhet t’ia lënë vendin dikujt tjetër.
Gjithashtu Rama theksoi se në Asamble do të diskutohet riorganizimi i partisë dhe nisja e përgatitjeve për zgjedhjet e ardhshme.
“Mesazhi im i parë për grupin parlamentar është të jemi gati për mbajtjen e zgjedhjeve të ardhshme, që përfshin zgjedhjet lokale.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Gati për të kuptuar ku dhe si të ndërhyjmë për përmirësimin e makinerisë sonë elektorale, duke bërë një analizë dhe riorganizim të Partisë Socialiste në të gjithë territorin.
Kush nuk ka kapur objektivin dhe kush nuk ja ka zbardhur faqen kësaj organizate në ekzekutiv duhet t’ia hapë rrugën dikujt tjetër. Duhet të ngrihet një komision, i cili do të analizojë punën e gjithësecilit.
Qeveria e re do të formohet fill pas sezonit të verës por puna për planin e qeverisjes e do ta bëjmë më herët.
Në mbledhjen e Asamblesë do të marrim detyrat, në lidhje me anëtarësimet e reja dhe për riorganizimin e Partisë Socialiste në të gjithë territorin.
Mesazhi im i dytë është për të gjithë ju këtu, jini gati për ta braktisur llogoren e luftës së vjetër politike dhe për të çuar këtë frymë në të gjithë PS-në. Në aspektin me marrëdhënien me PD-në ky mandat i tretë nuk do t’i ngjajë në asnjë mënyrë 2 të parëve”, ka deklaruar Rama.
