LIGJET E BIZNESIT
Nëpërmjet një deklarate për mediat, Bashkia e Tiranës e cila drejtohet nga Erion Veliaj, ka sulmuar ashpër presidentin Meta, sa i takon shqetësimit të një familje në Zall Herr që do ti merret toka pasi qeveria do të ndërtojë një lagje për banorët që u janë dëmtuar shtëpitë nga tërmeti.
Shqetësimi i familjes Lama u bë publik nga mediat në vend dhe menjëherë reagoi dhe presidenti, i cili kujtoi se e drejta e pronës është një nga të drejtat themelore.
Por bashkia e Tiranës, pretendon se toka në fjalë është në pronësi të tyre dhe jo në të familjes Lama, teksa këta të fundit thonë se shpronësimi i tyre ka nisur në mënyrë të fshehtë.
Reagimi i Bashkisë së Tiranës:
Bashkia e Tiranës vëren me keqardhje se Presidenti i Republikës vijon të nxisë, sipas një plani të përcaktuar, shërbëtorë të partisë së tij, për të penguar dhe prishur procesin e rindërtimit në Zall-Herr, duke vonuar me dashje, edhe më tej, futjen në shtëpitë e reja të banorëve të zonës, të cilët po presin me padurim të marrin banesat e tyre.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Aktet e fundit të Presidentit të Republikës minojnë qëllimisht një proces për të cilin, si Qeveria, edhe Bashkia e Tiranës, po e çojnë përpara me sukses, për të strehuar secilën nga familjet e prekura nga tërmeti tragjik i nëntorit 2019.
Yshtja e militantëve të LSI-së, që hiqen gjoja si banorë të zonës, për t’i siguruar Presidentit postimin dhe lajmet e radhës në portale, është e turpshme, kriminale dhe duhet të ndiqet nga organet hetimore.
Familjet e Zall Herrit, të prekura nga tërmeti, do të marrin në pronësi shtëpitë e reja, në një lagje të ndërtuar posaçërisht për ta, me infrastrukturë dhe shërbime model, në tokë që është në pronësi të Bashkisë së Tiranës, njësoj si banorët e Ndroqit apo Vaqarrit.
Një President, i cili i ka pajisur vilat e tij me nga 9 banjo për macen, por s’ka marrë mundimin të ndërtojë qoftë edhe një shtëpi për një familje nga Zall-Herri, nuk ka asnjë të drejtë të bllokojë dhe pengojë punën për rindërtimin e shtëpive të familjeve të prekura nga tërmeti.
Shqiptarët e dhanë mesazhin e tyre për këtë President në 25 prill, ndaj s’është nevoja dhe nuk do të lejohet që ky të hakmerret ndaj tyre duke u penguar ndërtimin e shtëpive.
