Më në fund/ Manastirliu e thotë hapur: Ja kur do nisë lehtësimi i masave kufizuese në Shqipëri

Ministrja e Shëndetësisë Ogerta Manastirliu ka bërë me dije se nesër do të mblidhet Komiteti Teknik i Ekspertëve për të dhënë vendimin në lidhje me situatën nga pandemia në vendin tonë.

“Nesër mblidhet Komiteti i Ekspertëve për të lehtësuar masat dhe për t’i bërë publike ato”,- tha Ogerta Manastirliu.

Këtë deklaratë ministrja e ka bërë nga Sheshi Skënderbej, ku ishte bashkë me kryeministrin Edi Rama. Sot, në Shqipëri ka nisur vaksinimi anti-Covid i punonjësve të transportit publik. Janë rreth 14 mijë punonjës që marrin sot dozën e parë.

Ndër vendimet kryesore që do të marrë nesër Komiteti Teknik i Ekspertëve mendohet se do të jetë heqja e maskës në ambiente të hapura dhe ndryshimi i orës policore. Aktualisht ora policore fillon në orën 22.00 deri në orën 06.00 të mëngjesit.

Për shkak të lehtësimit të situatës në vendin tonë, edhe ekspertët kanë paralajmëruar ndryshimin e masave dhe zbutjen e tyre.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern