Ibsen Elezi dorëzon formularin për kreun e PD: Dorëheqja e Bashës do të garantonte shanse të barabarta

Ibsen Elezi kandidati i katërt në garën për të marrë drejtimin e Partisë Demokratike depozitoi sot në PD formularin e kandidimit.

Ai tha para mediave tha se vetëm dorëheqja e Lulzim Bashës mund të garantojë zgjedhje të barabarta në PD.

”Vetëm me dorëheqjen e Bashës mund të ketë garë të barabartë. Kandidatët për kryetar duhet të kenë përfaqësues në Komisionin Zgjedhor.Këto janë elementë shumë të rëndësishëm që vlejnë për të gjithë strukturën e PD. Unë dua t’ju kujtoj të gjithë drejtuesve të strukturave që të administrohet një proces zgjedhor ku vota të konsiderohet e paprekshme. Në qoftë se edhe një rast i vetëm manipulimi ndodh do të ulë imazhin e Partisë Demokratike. Çdo kandidat duhet të ketë kontroll mbi procesin zgjedhor, ky është parim themelor”, tha ai.

Sot është afati i fundit i dorëzimit të kandidaturave për kryetarin e Partisë Demokratike.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern