Vr asja e 20-vjeçares në Greqi, hetuesit zbulojnë detaje tronditëse

Autoritetet në Greqi vijojnë hetimet për zbardhjen e vrasjes së 20-vjeçares e cila u mbyt në sy të foshnjës, ndërsa grabitësit lidhën bashkëshortin.

“Ata donin ta vrisnin Carolinën, sepse ajo nuk pushoi së bërtituri dhe rezistoi. Ata janë kriminelë mizorë. Kjo është e sigurt”- u shpreh një nga pjesëtarët e grupit hetimor të çështjes.

“Nuk është e mundur të shkaktohet një vdekje, mbytje nga pakujdesia” vijoi më tej ai. Vdekja e nënës së re erdhi nga bllokimi i rrugëve të frymëmarrjes, pra mbytja. Sipas raportit të ekzaminuesit mjekësor që kreu një autopsinë, mediat greke shkruajnë se në trupin e vajzës fatkeqe, vrasësi i mbylli gojën me bluzën e saj duke e mbytur me duar.

Hetuesit thonë në këtë rast vrasja ishte e panevojshme sepse çifti u tregoi tre grabitësve se ku ishin paratë. “Kjo tregon se ata nga inati për të përkulur rezistencën e nënës fatkeqe bënë gjithçka për t’ja mbyllur gojën. Nga ana tjetër, burri i saj 33 vjeç, siç thonë ata, ishte më i qetë dhe bashkëpunues dhe kjo është arsyeja pse ata e lanë atë në dysheme, të lidhur në duar dhe këmbë”-thuhet në artikull.

Teksa gjeorgjiani i arrestuar mohoi krimin e rëndë, policia ka mbledhur provat gjenetike dhe gjurmë gishtash nga shtëpia e çiftit në Glyka Nera, të cilat janë duke u analizuar, rezultatet e tyre do të jenë kyçe.

Mediat në Greqi ngritën dyshime para pak ditësh se 20-vjeçarja mund të jetë vrarë nga një bandë greko-shqiptare.