Dhjetë sekonda të tmerrshme, u përlesh me ariun në një pyll: Kafshimi i dytë më theu kockat   

Një burrë në Shtetet e Bashkuara të Amerikës ka zhvilluar një përleshje për disa sekonda me një ari.

Allen Minish, ka treguar për mediat se ishte në një pjesë të pyllëzuar në Alaskë, ku para tij, u shfaq një ari gjigant.

“E pashë atë dhe ai më pa në të njëjtën kohë, dhe ishte e frikshme”, u shpreh ai.

Sipas Minish, përleshja me ariun zgjati diku tek 10 sekonda. Burri tentoi të futej nëpër pyll, por për çudi, edhe aty ariu arriti të futej.

“Ndërsa ariu u ngrit lart mbi mua, unë kapa nofullën e tij të poshtme për ta larguar. Por ai më hodhi mënjanë, më kapi një të katërtën e fytyrës time. Ai bëri një kafshim të vogël dhe më pas bëri një të dytë, dhe kafshimi i dytë është ai që theu kockat…”, tha ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Burri ka mundur që të shpëtojë nga kafsha e egër dhe menjëherë ka njoftuar ndihmën e shpejtë, ku dhe është kuruar.