Gara për kryetarin e PD/ Kush janë dy emrat e njohur që mund të kandidojnë përballë Lulzim Bashës

Më 13 qershor Partia Demokratike do të ketë zgjedhje për kryetarin e ri që mund të zëvendësojë Lulzim Bashën.

Mësohet se në këtë post pritet të kandidojnë Ibsen Elezi dhe Edith Harxhi.

Të dy bëjnë pjesë në një lëvizje të quajtur “Për PD” e cila pas 25 prillit kërkoi largimin e kreut demokrat dhe rithemelimin e kësaj force politike, përmes një procesi transparent dhe analizash.

Ndërkohë nga raportimet bëhet me dije se Elezi dhe Harxhi pritet të plotësojnë formularët përkatës, bazuar në vendimin e Komisionit Zgjedhor për zgjedhjet në PD, që kryesohet nga Jemin Gjana.

Në grupimin për PD gjithashtu bëjnë pjesë edhe Arben Imami dhe Bujar Nishani, ish-ministra në qeverinë e PD, dhe anëtarë të Këshillit Kombëtar të kësaj partie.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Deri më tani në garën për kreun e PD kanë deklaruar pjesëmarrjen Lulzim Basha dhe Fatbardh Kadilli, ndërkohë që nuk dihet ende nëse Elezi dhe Harxhi do të zyrtarizojnë pjesëmarrjen në garë.