E rëndë/ Doli për gjueti po nuk u kthye më, 65-vjeçari gjendet i pajetë në pyll (EMRI)

Një ngjarje e rëndë ka ndodhur paraditen e sotme në Sarandë.

Bëhet fjalë për një  65-vjeçar, i cili është gjetur i pajetë në pyllin e fshatit Janjar.

Shtetasi në fjalë është identifikuar si Bekim Brahimi dhe dyshohet paraprakisht se kishte dalë për gjah.

Burime nga policia bëjnë me dije se personi mund të jetë sulmuar nga derra të egër.

Po ashtu raportohet se në trupin e viktimës ka plagë të shumta.

Në vendin e ngjarjes shkuan policia dhe ambulanca, ndërsa po punohet për zbardhjen e plotë të rrethanave si ka humbur jetën 65-vjeçari.

Në fshatin Janjar ushtrohet prej vitesh gjuetia e derrave te egër nga banorët e pakët të mbetur në këtë fshat.