Lumi mbushet me trupa të vdekur nga virusi, mësyjnë shpendët dhe qentë

Një nga vendet ku koronavirusi po merr mijëra jetë në ditë është edhe India. Vetëm në 24 orët e fundit janë konstatuar më shumë se 267 mijë raste të reja dhe rreth 4 500 të vdekur.

Sipas mediave të huaja, numri i të vdekurve ditorë është në shifra aq të larta sa punonjësit e krematoriumeve nuk po arrijnë të djegin në kohë trupat e pajetë sikurse janë traditat lokale.

Marë shkas nga një situatë e tillë, në lumin Gang shihen çdo ditë e më tepër trupa të pajetë personash të cilët kanë vdekur nga koronavirusi.

Trupat lundrojnë në ujë, të hedhur aty për shkaqe ende të paqarta.

Deri më tani janë numëruar më shumë se 100 trupa, të cilat jo në pak raste janë bërë ushqim për qentë dhe shpendët përreth.

Trupat e gjetur janë varrosur në breg të lumit, teksa pritet që autoritetet të japin një zgjidhje finale për ta pasi të kalojë emergjenca e koronavirusi.