E reja shkoi te ‘Hoxha’ që lexonte Kuran për shërim/ Dyshime të forta se u dhunua nga ai

Prokuroria Themelore e Prishtinës ka bërë me dije se është ndaluar për 48 orë i dyshuari për dhunimin e një 21-vjeçareje në Fushë Kosovë.

Bëhet me dije po ashtu se i dyshuari ishte paraqitur si person që ndihmon njerëzit nëpërmjet këndimit të Kuranit, ndërsa rasti ka ndodhur në banesën e tij në Fushë Kosovë.

“I dyshuari, i paraqitur si person në këndim të Kuranit (Rukexhi) për shërimin e sëmundjeve të ndryshme, dyshohet se në banesën e j në Fushë Kosovë, gjersa kishte pranuar viktimën për ofrimin e shërbimit-trajtimin shëndetësor, i njëjtë ka kryer veprën penale të lartcekur”, thuhet në njoftim.

Më tej, njoftohet se prokurori i Shtetit ka bërë kërkesë për ekzaminimin mjekoligjor të viktimës, teksa dyshohet se do të bëhet edhe kërkesa për caktimin e masës së paraburgimit ndaj të dyshuarit.

“Prokurori i Shtet, ka lëshuar urdhëresë për ekzaminim mjeko-ligjor për viktimën, ndërsa brenda afat ligjor do të paraqet kërkesë për caktimin e masës së paraburgimit ndaj të dyshuarit.

Prokuroria në koordinim me policinë janë duke i ndërmarrë të gjitha veprimet e nevojshme hetimore për sqarimin e plotë të rastit në fjalë”, thuhet në njoftim.

Sipas këtyre burimeve, viktima është e moshës 21-vjeçare dhe kishte shkuar tek i dyshuari për të kërkuar ndihmë.