“Bën avokatin e hajdutit të zgjedhjeve”/ Gjekmarkaj zbulon “mëkatin” e Bashës në zgjedhjet e 25 prillit.

Agron Gjekmarkaj, i cili arriti të merrte mandatin e deputetit në qarkun e Lezhës tha se mëkati i vetëm i Lulzim Bashës ishte që besoi se do të hynte në zgjedhje të lira e të ndershme me modelin më të korruptuar në Europë.

Në debat e sipër në studion e Open, ai e cilësoi juristin Plarent Ndreca si avokat të hajdutërisë elektorale, ndërsa ky i fundit i tha se mund të mos ta pranonte mandatin nëse ishte kështu.

Debati

Gjekmarkaj: Duhet të bëjë avokatin e hajdutërisë elektorale, e bën me krenari.

Ndreca: U vodhën tek ty në Lezhë?

Gjekmarkaj: Janë vjedhur.

Ndreca: Po pse e ke pranuar mandatin?

Gjekmarkaj: Ndreca gjuan me inteligjencë. Rama është hajdut i zgjedhjeve, e kam parë me sytë e mi se si tjetërsohet vota në Shqipëri.

Ndreca: Fakti që ne kemi ndryshuar kushtetutën, është për fajin tuaj që lëshuat institucionet dhe për këtë mban përgjegjësi.

Gjekmarkaj: E di cili është mëkati i Bashës, që menduam se mund të hyjmë me modelin më të korruptuar të Europës në zgjedhje të lira e të ndershme.