LIGJET E BIZNESIT
Kryeprokurori në Kosovë ka dhënë detaje për sasinë e kokainës së sekuestruar sot.
Droga kap vlerën 20 mln euro. Ai tha se gjatë gjithë kohës e kanë ndjekur itenerarin e kokainës.
Edhe Kryeprokurori i Prokurorisë së Posaçme të Shqipërisë, Arben Kraja, u shpreh se SPAK është përfshirë në hetimin e këtij rasti që në momentet e para që kanë ardhur informacione nga autoritetet e huaja.
“Prokuroria e Kosovës ka thirrur sot për aksionin për sekuestrimin e rreth 400 kg narkotikëve. Dëshiroj të falenderoj pjesëmarrjen në konferencë. Ju njoftojmë se me urdhër të prokurorisë speciale të Kosovës dhe në bashkëpunim me policinë e Kosovës, autoritetet italiane dhe ato të Shqipërisë sot janë ndërmarrë masa dhe veprime që kanë rezultuar me konfiskimin e 400 kg kokainë, vlera e të cilave arrin në 20 mln euro dhe janë sekuestruar një sasi e të hollave veturave dhe sendeve të tjera. Gjatë fazës së hetimeve janë përdorur masa të fshehta ku kemi përcjellë lëvizjen e narkotikëve për në Itali, pastaj në Durrës dhe deri në arritjen e destinacionit në Kosovë. Kemi vërtetuar porositë e qarta për të gjitha grupet kriminale se do të përballen me drejtësinë. Në këtë rast kemi bashkëpunuar me partnerët tanë duke parë që krimi i tejkalon kufijtë e shtetit tonë. Më lejoni të falenderoj prokurorët e prokurorisë së Shqipërisë, autoritetet italiane. Kjo ishte sfidë dhe detyrim për të luftuar krimin e organizuar”, deklaroi ai.
Ndërkohë drejtori i Policisë së Kosovës, Samedin Mehmeti tha se janë arrestuar 7 persona, ndërsa aksioni po vazhdon ku mund të ketë edhe arrestime të tjera.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
