Shënohen dy viktima në 13 ditë nga tromboza e shkaktuar nga AstraZeneca

Së fundmi, në Francë janë regjistruar katër raste të reja të trombozës të shoqëruara me vaksinën AstraZeneca.

Sipas mediave vendase, bëhet me dije se në harkun kohor 23 prill deri më 6 maj janë konstatuar katër raste të trombozës pas vaksinimit me AstraZenecan, dy prej të cilëve  kanë humbur jetën.

Ndërkohë që nga fillimi i vaksinimeve me këtë lloj formulimi, janë raportuar 34 raste të trombozës së rrallë, 11 nga të cilat ishin fatale.

Të katër rastet e reja kanë të bëjnë me dy gra të moshës 60-70 dhe dy burra të moshës 50-60.

Komplikimet e vërejtura ishin kryesisht tromboza venoze cerebrale, në dy prej këtyre njerëzve, një trombozë venoze e organeve të brendshme si dhe një trombozë e venave të thella me emboli pulmonare.