LIGJET E BIZNESIT
Përfaqësuesi i Partisë Demokratike në Komisionin e Ankesave dhe Sanksioneve, Marash Logu u shpreh se në vetëm tre prova që ka administruar ky institucion faktohet qartë manipulimi i zgjedhjeve të datës 25 prill.
“Të dhënat e kryqëzuara të pajisjeve PEI për Qarkun Gjirokastër rezulton se shenjat e gishtërinjve të 14 personave janë përdorur për identifikimin e 74 zgjedhësve. E thënë ndryshe, potencialisht 14 persona kanë votuar 74 herë ose mesatarisht 5 herë/secili”, tha ai.
Logu shprehet po ashtu se e njëjta gjë është vërejtur edhe në qarkun e Beratit nga kryqëzimi i këtyre të dhënave.
“Ku rezulton se shenjat e gishtërinjve të 21 personave janë përdorur për identifikimin e 57 zgjedhësve ose 21 persona kanë votuar 57 herë, ose rreth 3 herë/secili”, tha ai.
Po sipas PD-së, në Gjirokastër numëruesi i Partisë Socialiste është shtetas i cili ka shkelur vendimin e karantinimit.
“Numërues i parë është shtetasi Thanos Andrea Karameno (PS). Ky shtetas rezulton se është futur në Shqipëri nga Greqia, pas datës 19 prill kur u vendos karantinimi 2-javor i personave që vinin nga Greqia dhe Maqedonia”, thotë Logu.
“Vetëm me tre prova të thjeshta, faktohen mbi 100 shkelje flagrante të ligjit. Merreni me mend se sa shkelje të rënda do të zbardheshin, nëse KAS-i, nuk do të sillej si shërbëtor i Edi Ramës dy herë rradhazi, por do të pranonte 19 kërkesat tona për marrje provash. Sepse ata e dinë që po i morën provat, do të faktohet para të gjithë shqiptarëve dhe partnerëve ndërkombëtarë masakra zgjedhore e 25 prillit”, vijoi më tej përfaqësuesi demokrat në KAS.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
