LIGJET E BIZNESIT
Ish-deputeti i Partisë Demokratike Klevis Balliu ka deklaruar i bindur se zgjedhjet e 25 prillit janë vjedhur me paratë e buxhetit të shtetit.
I ftuar në programin “Breaking”, ai u shpreh se në periudhën e fushatës elektorale janë bërë punësime të paligjshme, që dukeshin se ishin enkas për zgjedhjet.
Balliu ndër të tjera tregon rastin e Fierit, ku sipas tij tani ata persona nuk marrin as rrogën.
“Kontrata u mbyll, zgjedhjet u mbyllën. Këto janë fakte. Vjedhja e votës dhe inskenimi i mekanizmave për të vjedhur e për të nxjerrë të pavlefshme votat, është e madhe. Institucionet që kanë detyrë për të marrë sa më shumë prova për të treguar të vërtetën e zgjedhjeve, sot nuk pranojnë as provat, që është KAS. Kemi kapje të shtetit. Vjedhja e votës nuk i bëhet PD-së, por një kombi. Është një popull që nuk është i lirë”, tha Balliu.
Gjithashtu ai u shpreh se qeveria ka marrë tre vendime: “Ka rritur çmimin e naftës, ka rritur çmimin e ujit dhe ka bërë ndalimin e shoferëve, duke bërë kështu që të ketë edhe rritje të biletës”, tha Balliu.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ish-deputeti demokrat foli edhe për procesin e vaksinimit, sipas të cili, edhe ajo është përdorur për fushatën elektorale
“Kanë bërë vaksina gjatë fushatës, e tani nuk ka më dozë të dytë nga vaksina kineze. Kemi përballë një parti e cila nuk ka lidhje me politikën, me votën e lirë, por kemi përballë një bandë me hajdutë. E gjithë këto nuk janë bërë as nga Këshilli Kombëtar i PD-së, as nga demokratët, as nga Basha, por nga Edi Rama, të cilin nuk e quaj kundërshtar, por armik”, tha Balliu.
