LIGJET E BIZNESIT
Me ardhje e pranverës, stinë në të cilën lulëzojnë bimët, ndodh edhe një fenomen krejt natyral, ku re të padukshme të poleneve ndjekin rrymat e ajrit dhe përhapen ndjeshëm në atmosferë.
Bimët janë përgjegjëse për alergjitë ndaj poleneve, dhe alergjitë janë nga më të ndryshmet pasi ne kemi një shumëllojshmëri bimësh.
Ndonëse bimët alergjike janë kryesisht më të përhapura në zonat rurale se sa në ato urbane, polenet prekin më së shumti njerëzit që jetojnë në qendrat e qyteteve, aty ku edhe trafiku i makinave është shumë i madh.
Polenet mund të depozitohen nga pak kudo, madje edhe në mukozën e konjuktivës, në hundë si dhe në mushkëritë e atyre personave që jetojnë në këto mjedise.
Individët që bëhen të ndjeshëm ndaj proteinave alergjike të lëshuara nga polenet reagojnë me simptoma klinike.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Instituti i Shëndetit Publik riniti alergjik (me ose pa konjuktivit) thotë se prek 60% të popullatës në Europë, nga të cilët 15%-20% vuajnë një formë të rëndë të sëmundjes.
Vlerësohet po ashtu se astma alergjike prek 5%-12% të popullatës në Europë.
Mënyra më e mirë për të parandaluar alergjitë është shmangia e kontaktit me lëndët apo substancat alergjike, por në rastin e alergjive stinore, të cilat janë kryesisht nga polenet, është tejet e vështirë që të evitohet kontakti, pasi kjo kërkon qëndrimin larg ambienteve të hapura në periudhën e përhapjes së poleneve, mbajtjen mbyllur të dritareve si dhe përdorimin e filtrave të ajrit.
Simptomat mund të zbuten nëpërmjet marrjes së medikamenteve të rekomanduara nga mjeku.
