LIGJET E BIZNESIT
Vajza që shikoni në videon e mëposhtme quhet Genta. Ajo është një femër ndryshe nga të tjerat, pasi është e vetmja në Shqipëri që ndërton varka prej druri.
Profesioni mashkullor nuk e ka penguar aspak Gentën që të jetë e zonja si inxhiniere e përpunimit të drurit.
“Unë jam Genta Ahmeti dhe jam inxhiniere e përpunimit të drurit e specializuar në mjete lundruese prej druri. Është një profesion që e kam nisur që në fëmijëri kur isha 6 vjeç teksa ndiqja babait si ndihmësja e tij. Ndërkohë që ime motër I qepte rroba kukullës, unë I bëja shtëpinë e drurit. Ishte një aventurë shumëvjeçare ku duke qeshur thoja do jetoj në varkë.
Dhe në fund të studimeve në një klasë prej 75 meshkujsh e vetmja femër që u diplomua në inxhinieri druri isha unë. Normalisht e mbylla duke thënë që tani diplomën e kam, më ka mbetur vetëm të jetoj në varkë.. Life on a boat është një koncept jete. Unë e kam konsideruar jetën një aventurë. Në varkë ke kapitenin dhe marinarin,. Zgjedh ti se kush do të jesh. Unë zgjodha të jem kapitenja e jetës sime, e profesionit tim e dëshira të mia. Atë që ishte një ëndërr fëmijërie e kam kthyer në një biznes,”- u shpreh ajo.
Varkat e ndërtuara nga Genta, kanë tërhequr edhe vëmendjen e qeverisë gjermane. Varkat “Made in Albania” pritet që të lundrojnë në të gjitha brigjet e Europës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
