“Ja çfarë na preku më shumë” Nuk pritej aspak, Vetëvendosja merr vendimin surprizë pas zgjedhjeve

Edhe pse nuk arritën të marrin asnjë mandat deputeti në zgjedhjet e 25 prillit, Lëvizja Vetëvendosje do të jetë sërish aktive në Shqipëri.

Madje do të marrë pjesë dhe në beteja të tjera elektorale.

Lajmin e ka dhënë kreu i VV Tiranë Boiken Abazi, ku me anë të një reagimi në rrjetet sociale e ka cilësuar si të domosdoshme prezencën e Lëvizjes, që ka qendrën në Kosovë dhe që ka fituar zgjedhjet aty, me kryeministër Albin Kurtin.

“Ajo që më ka prekur më shumë në këtë fushatë është varfëria e madhe e shumë qytetarëve që kemi takuar. Pasi pashë rezultatet e disa qendrave të votimit kuptova që shumë prej tyre edhe na kishin votuar.

Nuk i kishim premtuar as pare as vende pune. Ata, megjithatë, kishin lexuar programin e na kishin votuar, duke sfiduar pamundësinë e duke hedhur poshtë idenë se njeriu nuk e ruan dinjitetin në varfëri.

Besimin e tyre tek ne nuk do ta nëpërkëmbim. Do kthehemi e do t’i takojmë të gjithë ata që na kanë mbështetur e shumë të tjerë akoma, sepse Lëvizja tashmë është bërë e njohur, e dashur dhe e domosdoshme për gjithë Shqipërinë”, shkruan Abazi.