“Të presësh të vdekurit…” Dikur të afërt, Rama sulmon hapur Dritan Lelin, mesazhi nga Lungomarja

Ditën e sotme kryeministri Edi Rama ka zhvilluar një inspektim të punimeve në Lungomare 2 në Vlorë.

Por si rrallëherë më parë, është vënë re fakti që ai nuk shoqërohej nga kryebashkiaku Dritan Leli.

Kujtojmë se krisja mes tyre u shpall publikisht me daljen e emrave të kandidatëve dhe refuzimit të hapur që Leli bëri për të mosmbështetur Ramën në fushatë, në një vend të pasigurtë në listën e deputetëve.

Ndërkohë gjatë ditës së sotme kreu i qeverisë finalizoi “divorcin”, ku e sulmoi hapur numrin një të qytetit bregdetar, duke i thënë inxhinierit që ta mbarojnë shëtitoren para sezonit turistik pasi nuk mund të presin të vdekurit e Bashkisë.

”Ta bëjmë ta mbarojmë, se të presësh të vdekurit e Bashkisë është… ”, tha në fund të inspektimit Rama teksa inxhinieri po i shpjegonte ecurinë e punimeve.