Arrestohet shqiptari/ Kreu i bandës kriminale njihej si “Doktori”

Arrestohet në Bruksel, kreu i një grupi të kimit të organizuar shqiptaro-italian i kërkuar nga Interpoli për 17 vitet e fundit.

Ilir Meto, 56 vjeç, i njohurb ndryshe si “Il Dottore” ose ‘mjeku’ në qarqet kriminale, u dënua me 14 vite burg në mungesë në vitin e largët 2004, dhe prej asaj kohe ka qenë në  arrati.  Në vitin 2012, ai u dënua, sërish në mungesë, me 15 vite të tjera e në të dyja rastet për trafik droge.

Mediat italiane shkruajnë se ai u arrestua në Saint-Josse, ku jetonte me gruan dhe fëmijët e tij.

Ai u gjurmua nga skuadra antimafia e qytetit italian të Leçes. Policia e Brukselit që kreu arrestimin, ndërkohë, nuk pranoi të konfirmonte atë informacion.

Nuk është e qartë nëse Meto ishte atje gjatë gjithë kohëzgjatjes së arratisë së tij nga drejtësia, apo se si arriti të fshihej kaq gjatë.

Supozohet se ai përdorte me një emër të rremë. Meto duket se nuk ka asnjë lidhje me krimin e organizuar në Belgjikë. Arrestimi i tij u bë në lidhje me dy urdhra ndërkombëtarë, nga dënimet e 2004 dhe 2012.

Po ashtu, emri i tij ka qenë i lidhur me trafikun e armëve dhe banda italo-shqiptare që ai drejtoi kishte lidhje me një grup tjetër krimi të organizuar italo-marokenë.

Gjatë kësaj jave ai u dorëzua tek autoritetet italiane. Tani ai përballet me 29 vjet burg.