“Askush nuk është mbi ligjin” Yuri Kim mbështet SPAK: Të ndiqen penalisht ata që pengojnë qytetarët për të votuar

Ambasadorja e SHBA në vendin tonë Yuri Kim ka reaguar pasi SPAK njoftoi për hetimin e 55 denoncimeve nga subjektet politike për krime zgjedhore.

Ajo shpreh mbështetjen dhe shton se të gjithë ata që kanë penguar të drejtën e qytetarëve për të votuar të lirë duhet të ndiqen penalisht.

“Kënaqësi që shikoj njoftimin e SPAK për hetimin e krimeve elektorale. Unë e kuptoj që prokurorët do të bëjnë të njëjtën gjë. Ata që shkelin ligjin dhe pengojnë të drejtën e qytetarëve për të votuar lirshëm dhe në paqe duhet të ndiqen penalisht. Askush nuk është mbi ligjin”, shkruan numri një i diplomacisë amerikanë.