“Urime mikut tim të çmuar” Vjen mesazhi i parë nga Kosova për Edi Ramën

Ndërkohë që shumë pak na ndajnë nga shpallja e fitores së Partisë Socialiste, ka ardhur dhe urimi i parë nga Kosova për kryeministrin Edi Rama.

Bëhet fjalë për kryetarin në detyrë të Partisë Demokratike të Kosovës Enver Hoxhaj.

Ky i fundit shkruan se fitorja e Ramës është fitore për Shqipërinë.

“Uroj mikun tim të çmuar, kryeministrin Edi Rama për fitoren e madhe dhe të rëndësishme në zgjedhjet në Shqipëri. Fitorja e Edit është fitore edhe e Shqipërisë për shkak të mbarëvajtjes së procesit zgjedhor dhe një provimi të madh që kanë dhënë shqiptarët ditën e diel”, shkruan ai.

Hoxhaj thotë gjithashtu se ky rezultat është fryt i punës që ka bërë kryeministri Edi Rama në dy mandate.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Fitorja e kryeministrit Rama dhe PS, tregon për punën dhe reformat e prekshme që ka bërë ai gjatë këtyre dy mandateve në Shqipëri. Uroj  që rrugën e nisur për anëtarësim në Bashkimin Evropian, Edi Rama ta përmbyllë gjatë këtij mandati të tretë që ia besuan shqiptarët”, tha ai.