Dje mbërriti në atdhe, sot zhvillohet ceremonia në nderim të majorit Klodian Tanushi

Sot në orën 10:00 do të zhvillohen homazhet në nder të majorit Klodian Tanushi, I cili humbi jetën në krye të detyrës në Letoni.

Trupi i pajetë i ushtarakut mbërriti dje në Shqipëri dhe pas ceremonisë së nderimit në Rinas, u përcoll pranë banesës në Linzë në Tiranë.

Ceremonia shtetërore do të zhvillohet sot në orën 10:00-12:00 te Muzeu Historik Kombëtar ku do të marrin pjesë përfaqësues më të lartë të shtetit.

Pas përfundimit të ceremonisë shtetërore të nderimit, arkivoli me trupin e major Klodian Tanushit do të përcillet në banesën e fundit në Varrezat e Dëshmorëvë në kryeqytet.

Komandanti i kontigjentit shqiptar në Letoni la pas tre fëmijë, dy djem dhe një vajzë.

Ai ndërroi jetë 4 ditë pasi mbeti i plagosur rëndë nga shpërthimi i një mine në një bazë ushtarake. Po ashtu në këtë incident tragjik humbi jetën nëntetarja Zarife Hasanaj si dhe u plagos reshter Julian Kapaj.