LIGJET E BIZNESIT
Procedohen penalisht nga policia e Divjakës Enkelejd Alibeaj dhe 20 militantë të Partisë Demokratike. Kjo pasi në orët e vona të mbrëmjes së djeshme kanë rrethuar shtëpinë e kryetares së Partisë Socialiste në fshatin Shën e Premte. Bashkë me Alibeaj është proceduar penalisht edhe kryetari i PD-së në Lushnje, Saimir Korreshi.
Sipas njoftimit të policisë, në datë 24.04.2021, në orën 22:35, në Sallën Operative ka telefonuar një qytetare, e cila thotë se në fshatin Shën e Premte, Divjakë, përreth banesës së saj ka grumbullim personash dhe automjetesh.
Pas telefonatës, në vendngjarje kanë shkuar shërbimet e Policisë dhe konstatuan se përreth banesës së shtetases K. G ishin grumbulluar disa mbështetës të një subjekti politik, të cilët pasi u pyetën nga policia, pretendonin se ishin për mbrojtjen e votës së lirë.
Për këta shtetas u morën masa administrative për shkelje të aktit normativ dhe i’u kërkua që të shkonin në banesat e tyre. Në këto momente, në vendngjarje kanë mbërritur edhe drejtues politikë të kësaj partie me disa simpatizantë të tjerë, të cilët edhe pas thirrjeve që ju bëri Policia për t’u larguar, bllokuan rrugën.
Në këto kushte, nga Specialistët për Hetimin e Krimeve në Komisariatin e Policisë Divjakë filloi procedimi penal për shtetasit:
- A., S. K., I. Dh., E. V., A. M., S. S., L. Z., H. D., L. Zh., F. M., A. M., A. B., A. K., A. P., A. K., L. Rr., A. K., D. S., A. Sh., F. Sh.
Në vijim të veprimeve të kryera në koordinim me Prokurorinë pranë Gjykatës së Shkallës së Parë Lushnjë dhe me Specialistët për Hetimin e Krimeve në DVP Fier, u proceduan në gjendje të lirë 20 shtetas për veprat penale “Organizime dhe pjesëmarrje në grumbullime e manifestime të paligjshme” dhe “Mosbindja ndaj urdhrit të punonjësit të policisë së rendit publik”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
