“Ishte pak e ulët, erdha ta nxis” Rishfaqet Fatos Nano, voton me gruan. Bën batutën për pjesëmarrjen në zgjedhje

Edhe ish-kryeministri Fatos Nano është paraqitur së bashku me gruan e tij Xhoanën, për të votuar në Mullet.

Ai nuk i ka lënë batutat, teksa është shprehur pas votimit se kur të dalë rezultati, një pjesë do gëzohen dhe të tjerë do mërziten.

Përsa i përket pjesëmarrjes, Nanon tha se ishte e ulët prandaj dhe ishte shfaqur aty për ta nxitur.

“Kjo është pyetje që mund të bëhej deri mbrëmë. Sot është ditë si gjithë të tjerat. Mos të jetë më e gjatë. Duhet të presim sepse më në fund një pjesë do gëzohen dhe një pjesë do mërziten. Jam i sigurt se ata që do gëzohen do gëzohen për të gjithë. Ata që mërziten të mërziten për vete dhe mos t’u zgjas shumë. Pjesëmarrja ishte e ulët ndaj erdha ta nxis”, deklaroi Nano para gazetarëve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern