Drejtori i Tony Blair mbështet Ramën: Sikur në Angli të kishim një Kryeministër si ti

Shkrimtari, aktivisti dhe gazetari i njohur britanik, Alastair Campbell shpreh hapur mbështetjen e tij për kryeministrin Edi Rama. Në një postim ne rrjete sociale, Campbell shkruan se tre tre fitore radhazi për Edi Ramën, do të jenë një arritje fantastike.

“Suksese Edi Rama në zgjedhjet e të Dielës në Shqipëri – uroj që ne në Mbretërinë e Bashkuar të kishim një Kryeministër me gjysmën e zgjuarsisë, kulturës, ndershmërisë dhe aftësive tuaja. Tri fitore zgjedhore me radhë do të ishin një arritje fantastike. Dhe tubimet e fushatës suaj të distancuar nga shoqëria kanë qenë mahnitëse”, shkruan gazetari teksa ndan pamjet e fushatës së Ramës në Vlorë.

Alastair Campbell ka qenë zëdhënës i fushatës së ish-kryeministrit të Britanisë Tony Blair, drejtor i fushatës në vitet 1994-1997. Më vonë, ai punoi si sekretar i “Doëning Street”, dhe si zëdhënës zyrtar i Kryeministrit Tony Blair (1997-2000).

Më vonë, Campbell u bë Drejtori i Komunikimit i “Doëning Street” dhe zëdhënës i Partisë së Punës (2000–2003). Ai u kthye si drejtor fushate për fitoren e tretë të zgjedhjeve të Tony Bler në 2005.