LIGJET E BIZNESIT
Richard Grenell, Ish i dërguari i posaçëm i Presidentit të SHBA-së për dialogun Kosovë-Serbi, një ditë më parë komentoi situatën e ditës së fundit të fushatës. Ai u pozicionua haptazi kundër ambasadores së Shteteve të Bashkuara të Amerikës në Shqipëri, Yuri Kim. Teksa komentoi debatin Kim-Meta, Grenell apeloi për distancim të ambasadores.
Zhvillimet elektorale të këtij viti, duket se i ka ndjekur na afër edhe djali i ish-presidentit amerikan Donald Trump, Jr. Ka qenë sipërmarrësja shqiptare, Evi Kokalari ajo e cila ka pikasur që ai kishte ripostuar komentin e Grenell për Shqipërinë.
“Unë e di që Richard Grenell e do Shqipërinë dhe po i ndjek nga afër zgjedhjet e të dielës, ashtu siç ma konfirmoi edhe mua. Por është mirë që shoh se edhe Donald Trump Jr. bie dakord me të,”-shkruan Evi Kokalari.
Pak retrospektivë, çfarë ndodhi një ditë më parë?
Presidenti i Republikës Ilir Meta, apeloi shqiptarët të bënin gati cfurqet në datën 25 prill në qoftë se u cënohet vota. Kjo deklaratë e tij nxiti reagimin e ambasadores Kim, e cila kërkoi që presidenti Meta të mos nxiste dhunë. Replika e saj solli reagimin e Presdientit. Nga studioja e emisionit “Çim Peka Live”, Meta u shpreh se Kim e kishte kërcënuar dhe se ajo tashmë është bërë palë me kreun e qeverisë. Për më tepër, kreu i Shtetit shtoi se ishte i përgatitur edhe për faktin se Shtetet e Bashkuara të Amerikës mund ta vrisnin po të donin.
