Sot heshtje zgjedhore, nesër shqiptarët zgjedhin me votë qeverinë e re

Politika shqiptare ndodhet këtë të shtunë në heshtje zgjedhore, pas një muaji intensive të fushatës elektorale për zgjedhjet parlamentare të 25 prillit.

Sot, partive politike nuk u lejohet asnjë lloj fushate qoftë nëpërmjet media apo qoftë edhe nëpërmjet mitingjeve në terren.

Kështu, në qoftë se politikanët vendosin që të shkelin rregullin e heshtjes zgjedhore, Komisioni Qëndror i Zgjedhjeve do t’i gjobisë ato me shumën 500 mijë lekë. Ankimi i vendimit për gjobën nuk e pezullon atë.

Ndërkohë, të dielën e 25 prillit, shqiptarët kanë të drejtën t’ju drejtohen kutive të votimin ër të zgjedhur qeverinë që do t’i drejtojë në katër vitet e ardhme.

Ashtu sikurse dihet tashmë, procesi i votimit do të nisë në orën 7.00 të mëngjesit deri në orën 19:00.

Vlen për tu theksuar fakti se zgjedhjet parlamentare të këtij viti, zhvillohen në kushte pandemie. Votuesit do të duhet të zbatojnë protokollet e rrepta për parandalimin e përhapjes së COVID-19.

Mbajtja e maskës dhe distanca janë ndër masat e detyrueshme për t’u zbatuar.