Njëri nga aktet që u dënua më ashpër ditën e shtunë ishin grafitet në hyrjen e shtëpisë së ambasadorit të OSBE, Boshard. Lidhur me këtë ngjarje ka folur edhe zëvendës ministri i Brendshëm i Shqipërisë Julian Hodaj në një prononcim për emisionin “Dritare me Rudinën” në “Neës 24”.
Hodaj u shpreh se gjesti ishte skandaloz dhe se sipas tij dihet se kush janë frymëzuesit e gjestit, duke nënkuptuar kështu opozitën.
“Nuk besoj se ia vlen ta flasim nëse e kemi shoqëruar me polici apo jo. Mendoj se veprimi ka prapavijë. Një grup doli dhe ka brohoritur. Nuk na bën nder, aq më tepër që vitin tjetër Shqipëria kryeson OSBE-në. Ajo që ndodhi të them skandaloze më duket pak. E mbaj mend që Basha me nënqeshje e ka kujtuar. Edhe kjo dëshmon se kush janë frymëzuesit. Shprehja e Lulzim Bashës, kur u pyet për këtë rast skandaloz, tregon se kush e ka bërë atë grafit. Grafiti ishte pasi OSBE tha se protesta e opozitës përmbante dhunë kriminale. Kjo është tepër e qartë tashmë”, tha Julian Hodaj, zëvendësministër i Brendshëm.
