Partia Socialiste e ka përmbyllur procesin e përzgjedhjes së kandidatëve për kryetarë bashkie në zgjedhjet lokale të 30 qershorit. Këta figura të zgjedhura nga PS i ka komentuar edhe kreu i Partisë Demokratike gjatë komunikimit me gazetarët këtë të martë. Basha e ka cilësuar atë si një listë të zezë të lidhur fortë me krimin.
Por në fjalën e tij lideri i PD, Basha ka veçuar dy kandidatët për bashkitë e Durrësit dhe Shijakut, si pengje të bandave kriminale që kontrollojnë këto dy qytete.
“Është një listë e më të zinjve, por nuk është një listë e socialistëve të ndershëm shqiptarë. Ai vazhdon të jetë në bashkëpunim të hapur me krimin çka e provon edhe lista e kandidatëve. Kandidati i Shijakut i diktuar nga Avdylajt dhe Keçajt. Shumë shpejt do të dalin provat. Ka kandidatë të tjerë me dosje kriminale. Kandidatja e Durrësit i diktuar drejtpërdrejt nga njeriu që i mban peng dhe që është arsyeja pse nuk hetohet 339-ta, Vangjush Dako. Do të kemi kohë për të tregua një e nga një.”- u shpreh kreu i PD.
