LIGJET E BIZNESIT
Në muajin dhjetor të vitit që lamë pas, moderatorja e njohur Arbana Osmani solli në jetë djalin e dytë, të cilin vendosi ta quajë Diell.
Tashmë vogëlushi është më i përkedheluri i familjes dhe ka marrë me qindra dhurata.
Ndërkohë së fundmi Arbana i është rikthyer ekranit në programin që drejton “Dua të të bëj të lumtur” dhe ndodhet në formë shumë të mirë.
Mirëpo si e ka përjetuar Arbana periudhën pas lindjes dhe ndryshimin e trupit të saj?
Ajo ka rrëfyer për ndjekësit me anë të një fotografie se si është ndjerë 10 ditë pas lindjes së Diellit.
“1 nëntor 2020, 10 ditë pas lindjes së Diellit hyra në xhinset e vjetra, shkova dhe në peshën para lindjes por trupi kishte ndryshuar. Në fillim u stresova se duhej të isha në formë për rinisjen e programit dhe asnjë veshje s’më rrinte mirë. Kështu megjithëse me një bebe të vogël (e një të madhe) rifillova palestrën çdo ditë dhe një regjim ushqimor. Por me rifillimin edhe të punës kjo rutinë u bë shumë e lodhshme dhe pasi një ditë u ndjeva keq fizikisht, ndalova. Vendosa t’i jap veten kohë dhe të fokusohem më shumë tek shëndeti mendor dhe qetësia. Dhe nga ajo ditë nuk kam hequr asnjë gram dhe trupi është po njësoj por brenda vetes jam shumë më mirë. Take your time to heal everyone”, ka shkruar Arbana krahas fotos.
