Po pse unë nuk kam stres? Rama për kontrollorët: S’kam bërë asnjë rritje rroge për qeverinë që kur kam ardhur

Kryeministri Edi Rama i ftuar në AbcNews ka ironizuar me kontrollorët e Albcontrol që u futën në grevë për çështjen e rrogave.

“Po pse unë vetë nuk kam stres”, tha Rama ndërsa kujtoi se që kur ka ardhur në qeveri s’ka bërë asnjë rritje rroge për kabinetin, madje përgjysmoi rrogat e deputetëve në pandemi.

“Po pse unë nuk kam stres, po ca do të dalë të ankohem më rrisni rrogën? Nuk kemi bërë asnjë rritje rroge për qeverinë që kur kam ardhur. Ka një arsye kjo, plus kësaj, në periudhën e parë përgjysmuam rrogat e deputetëve kur ishim në ato kushtet e vështira.

Po pse stres nuk kanë ata që rrinë atje në dogana dhe pika kufitare, apo në shërbime pa fund? Po këta janë në kullë, cfarë stresi kanë, stresi është i barabartë me atë që kanë marrë përsipër, është i mitiguar me një rrogë shumë të madhe. Ne ishim menduar për më të keqen. Ne kemi qartësisht atë arsyen për të qenë të përgatitur” tha Rama.