Pse nuk vaksinohet Presidenti, po cilësia e vaksinës? Ja si përgjigjet Meta

Presidenti Ilir Meta në emisionin “Log” në ABC, i pyetur se pse ai nuk e bën vaksinën, ai tha se nuk ka pasur një ofertë për tu vaksinuar.

Ndërkohë Presidenti ka zbuluar se ka kaluar covid-19 në periudhën kur u vra Klodian Rasha nga një efektiv policie.

I pyetur për debatin mbi cilësinë e vaksinave, Meta u shpreh se nuk është ekspert dhe se përgjegjësinë për këtë cështje e ka qeveria.

“Presidenti bëri cdo gjë për të bashkuar përpjekjet e të gjithëve, jo vetëm të tijat, por edhe opozitës, në Këshillin e Sigurisë Kombëtare përpara një viti me qëllim realizimin e një uniteti, por si një i pabesë që është kryeministri ynë, i 1 prillit. Ai mendoi se mbaroi pandemia me ngrohjen e motit dhe në 17 maj hodhi në erë teatrin kombëtar. Unë i kam dhënë gjithmonë qeverisë mbështetje maksimale në këtë proces.

Qëndrimi i saj, cdo gjë që kanë dashur e kanë marrë nga presidenti, madje presidenti pranoi dhe e bëri sipas standardeve daneze, ndryshimin e kodit penal. Për vaksinat, jo vetëm kemi kërkuar me kohë të merren masat, të shikohen të gjitha mundësitë dhe kryesore të jetë siguria e vaksinës për këtë kemi proces të dokumentuar. Nuk kam për detyrë të vendos në pikëpyetje se nuk jam ekspert i kësaj cështje.