LIGJET E BIZNESIT
Kryeministri Edi Rama i ftuar në Open mbrëmjen e sotme në Top Channel sqaroi fjalën e para pak ditëve në një takim, se në Shqipëri do të vijnë punëtorë nga Bangladeshi e Pakistani.
E pyetur nga moderatorja Eni Vasili, se pse duhen punësuar të huajt kur në Shqipëri ende ka të papunësuar, Rama u përgjigj se kjo ndodh në të gjithë botën.
“Në çdo vend, se ne nuk jetojmë në bunker, ndodh që një vend pune që është në dispozicion, sipërmarrësi do ta mbulojë, dhe po s’e gjeti këtu, do e marri nga jashtë. Punëtori i huaj nuk është diçka e pandodhur, është gjë normale.
E dyta ne kemi një fat shumë të madh por kemi dhe një fatkeqësi, fati është që jemi në mes të Europës. Ai sipërmarrësi që fola unë, nuk po gjen punëtorë këtu, kështu që kërkon nga jashtë.
Punëtorët turq që ngritën spitalin e Fierit, kanë një pagë më të lartë se janë jashtë shtetit, por në Turqi po ata punëtorë 400 dollarë e kanë rrogën. Qeveria ngre rrogat në sektorin publik, jo në sektorin privat, e keni idenë se sa është rritur paga minimale, Çfarë po u thoni shqiptarëve, po e nxirrni vetëm zi” tha Rama.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
