LIGJET E BIZNESIT
Ish-zëdhënësja e Partisë Demokratike Erla Mëhilli ka komentuar situatën aktuale politike në vendin tonë.
Sipas saj fushata e tanishmë elektorale është më e varfër sesa ajo e mëparshme.
Mëhilli pranon faktin që partitë nuk shpenzojnë më para siç bënin dikur në mitingje por janë përqendruar kryesisht në spote televizive apo rrjetet sociale.
“Ka një ndryshim midis kësaj fushate dhe të tjerave. Duket një fushatë disi më e varfër, partitë nuk po shpenzojnë shumë për imazhin siç kanë bërë dikur, me evente dhe tani janë më të përqendruara në spote televizive dhe në rrjetet sociale. Në fakt këto fushata e fundit kanë qenë të tilla, pa shumë shpenzime dhe kjo është gjë e mirë me thënë të drejtën”, tha ajo për Euro Neës Albania.
Mëhilli theksoi se fushata që po bën Basha ngjason me atë të ish-kryeministrit Sali Berisha, ku pjesëmarrja e madhe e qytetarëve nxit frymë dhe entuziazëm në elektorat.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ajo thotë se kryeministri Edi Rama po e përdor tubimin e opozitës, për të sulmuar kreun e saj duke e cilësuar si një kandidat për kryeministër, i cili nuk mban përgjegjësi dhe nuk do t’ia dijë për shëndetit e qytetarëve.
“Fushata e z. Bashës duket po shkon drejt stilit të një fushate të Berishës, me takime masive, të cilat rrisin entuziazmin dhe frymën. Sigurisht se është një fushatë atipike në kohë pandemie dhe z., Rama po e përdor, për të theksuar papërgjegjshmërinë e një kandidati për kryeministri, por nuk po shohim që qeveria nuk po merr asnjë masë, nuk ka as gjoba, as kufizime, pra edhe ai po e përdor”, theksoi ajo.
Për Mëillin dobësia kryesore në sferën politike shqiptare është që kandidatët nuk pranojnë të zhvillojnë debat publik përballë njëri-tjetrit.
“Ka ndryshuar dhe kohërat për mendimin tim. Ka ikur koha e mitingjeve, sepse masiviteti i mitingjeve nuk të trenon asgjë, as fitore dhe asgjë dhe mesazhet mund ta përçosh edhe me takimet që bën me bizneset, sepse mesazhin e përcjell. Që nga viti 2002, kur ka pasur përballja Nano-Berisha, ne nuk kemi parë më përballje. Është për të ardhur keq. Tani nga mos-përballje liderësh, kemi mos-përballje mes kandidatëve”, tha ajo për Euro News.
