Guardia di Finanza ka sekuestruar mbi 400 kg drogë në brigjet e Salentos në Itali dhe ka arrestuar dy trafikantët shqiptarë.
Operacioni ka zgjatur për disa orë, pasi gomonia u pikas në det nga Guardia di finanza dhe më pas keta të fundit u vunë në ndjekje të saj.
Transportuesit tentuan disa herë t’i shpëtonin syve të policisë duke kryer disa manovra, por forcat detare Gallipoli dhe Otranto mundën të ndalin gomonen dhe të arrestojnë dy shqiptarët, identiteti i të cilëve nuk bëhet i ditur.
Në gomone u gjetën rreth 14 pako drogë, të dyshuar lloji kanabis sativa, që peshonte rreth 400 kg dhe në rast se kjo sasi do të hidhej në treg vlera do të shkonte 4 milion euro.
Mediat në Itali shkruajnë se nga fillimi i vitit 2019, në Puglia Guardia di Finanza ka arrestuar deri më tani 70 persona dhe ka sekuestruar rreth 3 ton drogë.
