Protestë te Drejtoria e Policisë: O Klevis, o hero gjithë Unaza ty të do

Ish-deputeti i Partisë Demokratike, Klevis Balliu vijon të qëndrojë në ambientet e Drejtorisë së Policisë, Tiranë ku është që prej ditës së djeshme ku u ndalua nga “uniformat blu”. Por mbrëmjen e sotme banorët e ‘Astrit’ që protestojnë zakonisht në zonën e ‘Unazës së re’, këtë herë e kanë zhvendosur tubimin e tyre.

Ata janë mbledhur para Drejtorisë së Policisë ku po mbahet Balliu, duke e mbështetur atë me brohoritje dhe parulla. Nuk kanë munguar edhe shashkat në drejtim të uniformave blu, teksa dëgjoheshin thirrjet,  “Rama ik, hajdut, legen, kazan, polici e leshit. O Klevis, o hero gjithë Unaza ty të do. Lironi Klevisin.”- janë disa nga thirrjet e banorëve të Unazës së Re.

Balliu akuzohet për veprat penale “kundërshtim me dhunë ndaj punonjësve të policisë”, “prishje e qetësisë publike” dhe “pengim i qarkullimit të mjeteve të transportit”. Ish-deputeti është dërguar në Drejtorinë e Policisë së Tiranës.