Kanosi me armë fëmijët në shkollë, policia vihet në ndjekje të të riut problematik

Disa fëmijë të shkollës 9-vjeçare “Europa” kanë rënë pre e një kanosje me armë nga një person i armatosur. Mësohet se shtetasi Ermir Bambullari mëngjesin e sotëm është futur brenda godinës duke i kanosur fëmijët me armë të tipit pistoletë.

Bambullari njihet si një person problematik ka qenë i dënuar më parë në Angli dhe mësohet se ka shfaqur probleme mendore. Më herët ai është akuzuar edhe për një grabitje dhe plagosje me dashje të babait të vet, duke e lënë të gjakosur.

Ndërkohë pas ngjarjes së ndodhur ditën e sotme në shkollën nëntëvjeçare, “Europa”, policia ka nisur punën për kapjen dhe vënien pas hekurave të Bambullarit.