LIGJET E BIZNESIT
Stevo Pendarovski është fituesi i zgjedhjeve në Maqedoninë e Veriut.
Sipas rezultateve, Pendarovski, kandidat i social-demokratëve të kryeministrit Zoran Zaev, fitoi 51.71 % të votave, teksa kandidatja e VMRO DPMNE Gordana Siljanovska Davkova fitoi 44.68%.
Menjëherë pas shpalljes së rezultateve Stevo Pendarovski deklaroi se do të jetë presidenti i të gjithëve. Kryeministri Zaev u shpreh gjithashtu se Maqedonia e Veriut zgjodhi të dielën një president Europian.
“Nga sot asgjë nuk është njësoj. Nga sot askush nuk do të mund të pengojë ardhmërinë e shtetit tonë. Humbën ata që na bënin shantazh, dhe kërcënonin të ardhmen tonë”, tha kryeministri Zaev. “Dëshmuam se jemi gati për Europën’, shtoi ai.
Kandidatja Siljanovska ka pranuar humbjen ndërsa VMRO DPMNE është ankuar për parregullsi gjatë procesit zgjedhor.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
