A do të vijojnë reshjet e shiut? Mësoni si do të nisë moti për këtë javë

Fillimi i kësaj jave do të vijë me mot të lagësht dhe me temperatura në ulje.

IGJEUM raporton se dita e sotme do të jetë me shi në disa prej qarqeve të vendit, ndërsa në Tiranë, Shkodër, Elbasan e Lezhë reshjet do të jenë mesatare.

RESHJET

Sot (e hënë dt.06) në shumicën e qarqeve priten reshje të dobëta deri lokalisht mesatare. Qarqet Shkodër, Lezhë, Tiranë dhe Elbasan priten reshje mesatare (siç tregohet në tabelë, respektivisht për secilin qark).

Ekziston mundësia që në zona të kufizuara, reshjet të jenë në formë shtrëngate dhe me rrufe me kohëzgjatje të shkurtër, më të mundshme në terrenet malore (dhe ato pranë tyre).

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

TEMPERATURAT

Sot (e hënë dt.06) temperaturat minimale dhe maksimale të ajrit pritet të arrijnë:

në bregdet: 12 / 15 °C

në vendet e ulëta: 12 / 18 °C

në vendet malore: 6 / 12 °C

ERA

Sot (e hënë dt.06) pritet të fryjë erë mesatare deri e fortë.