Ish-kryebashkiaku i PS i shpëton drejtësisë, ja vendimi më i fundit që ka marrë Gjykata e Tiranës

Ish-kryebashkiaku i PS në Shkodër Valdrin Pjetri ka shpëtuar nga telashet me drejtësinë.

Mësohet se ai nuk do të gjykohet më dhe as nuk do të hetohet më nga Prokuroria.

Sipas informacioneve Gjykata e Tiranës ka pushuar hetimet për Pjetrin, i cili akuzohej për “Falsifikim formularësh”.

Ky vendim ka ardhur me kërkesë të Prokurorisë.

Organi i akuzës thekson se Pjetri nuk mund të deklaronte problemet me drejtësinë italiane pasi vetë autoritetet atje ia kishin ndaluar.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Kujtojmë se Valdrin Pjetri u thirr si i pandehur nga drejtësia pasi Partia Demokratike publikoi disa dokumenta sipas të cilave thuhej se ish-kryebashkiaku i Shkodran ishte i dënuar në Itali.

Ndërkohë pas hetimeve dhe mbërritjes së një letër-porosie nga Italia, akuzat për falsifikim dokumentesh dhe fshehje të dhënash u provuan.

Kështu, fituesi socialist i zgjedhjeve në Shkodër dha dorëheqjen nga posti dhe nuk shkoi asnjë ditë në zyrën e kryebashkiakut. Në vend të tij, në Shkodër ka mbetur kryebashkiake Voltana Ademi, pasi institucionet përgjegjëse nuk kanë dekretuar zgjedhje të reja.